Չկա պայքար` չկա հաղթանակ, չկա առաջխաղացում
«Չգիտեք, որ մրցության մեջ բոլորն էլ վազում են, սակայն մեկն է ստանում մրցանակը: Ուրեմն այնպես վազենք, որ կարողանանք նվաճել»: Ա Կորնթ. 9:24
Մեր կյանքը բաղկացած է փոքր ու մեծ պայքարներից: Չկա պայքար` չկա հաղթանակ, չկա առաջխաղացում: Ու ծնված օրից մենք պայքարում ենք… Պայքար՝ վատ երևույթների ու վատ սովորությունների դեմ, պայքար ծուլության և ինքդ քո դեմ…
Այսօր էլ ունենալու ես շատ մարտահրավերներ ու շատ պայքարներ… Ունես երազանքներ ու նպատակներ, գնա՛ դրանց ետևից… մի՛ հուսահատվիր, մի՛ թուլացիր ժամանակավոր անհաջողություններից, այլ ցանկացի՛ր, ձգտի՛ր, պայքարի՛ր… ու հիշի՛ր՝ վաղվա մեծ հաջողությունները կախված են այսօրվա փոքր հաղթանակներից:
Պայքարի՛ր վատ երևույթների ու սովորությունների դեմ, պայքարի՛ր ծուլության դեմ, պայքարի՛ր մեղքի դեմ…
Հաղթանակած օր եմ մաղթում:
